La fondado de Parlamenta Asembleo ĉe
Unuiĝinta Naciaro estis unu el la temoj pritraktitaj
dum la konferenco aranĝita de la Germana Asocio por
Unuiĝinta Naciaro (DGVN) fine de la pasinta semajno
en Berlino. La germanjapana centro de la libera
Universitato de Berllino akceptis universistatojn
venintajn de tuta germanio por diskuti pri " tendencoj al
pli da monda demokratio ".
Tiu konferenco celis situiĝi dek-kvin jarojn post
la publikigo de agendo pri demokratigo far Boutros
Boutros-Ghali, tiama Ĝenerala UN-sekretario. La
teksto de S-ro Boutros-Boutros-Ghali, kiu estas unu el la
plej eminentaj subtenantoj de la kampagno por la fondado
de Parlamenta Asembleo ĉe Unuiĝinta Naciaro,
utilis kiel deirpunkto de la diskutoj aranĝitaj dum
tiuj deu tagoj.
Dum unu rondkunveno la projekto de Parlamenta Asembleo
ĉe Unuiĝinta Naciaro estis prezentita de Peter Spiegel,
vicprezidanto de la Komitato por Demokrata UN en Berlino.
S-ro Spiegel asertis, ke la demokratigo de UN estas ankaŭ
maniero por antaŭenpuŝi demokration je
internacia nivelo, kio estigis la demandon, kial la
demokratioj de la tuta mondo metas obstaklon kontraŭ
la streboj al la demokratigo de la internaciaj organizaĵoj.
"
Pli frue la profesoro Lothar Brock el la Universitato
de Franfurto pritraktis la temon de la demokrata manko de
Unuiĝinta Naciaro kaj klarigis kial li subtenas la
projekton de Parlamenta Asembleo ĉe UN. Dum lia
parolado, la Profesoro Brock pritraktis multajn temojn de
la konferenco tiajn, kiaj la enskribo de la demokratio
sine de la koncepto de UN ; la kondiĉoj necesaj al
la demokratio, la demokrataj modeloj, la demokrata
interdependeco je naci-ŝtata nivelo kaj je
internacia nivelo, kaj ankaŭ la legitimigaj
manieroj, la bezono pri legitimeco kaj ties eblaj
konsekvencoj.
La partoprenantoj ne sukcesis atingi komunan
vidpunkton pri Parlamenta Asembleo ĉe Unuuiĝinta
Naciaro. Larĝa interkonsento troviĝis koncerne
la konsideron asertantan, ke la demokratio estas sistema
en la valoroj de UN kaj ke la legitimeco de tiu monda
organizaĵo devas est plibonigita.
La Germana Asocio por Unuiĝinta Naciaro planas
publikigi la komunikaĵojn de la konferenco en
germanlingva kolekto. Tiu kolokvo estas sekvo de unua
konferenco, kiu temis pri monda juro, aranĝita de la
Germana Asocio por Unuiĝinta Naciaro en novembro
2008.
