La perfekta sukceso de la flugprovo fare de la
usona spaciala navedo, de nun igas fidinda la progresivan
ekfunkcion de regula servo fare de spacialaj
transportiloj, kiuj certigus la taŭgan aranĝon
kaj la ĉepasajn servojn de konstanta spaciala loĝloko
cele al laboratorio, uzino, kuracado kaj ripozamuzejo.
Ĉu ne inkluzivus militista uzado de la navedo
?
La du spacialaj superpotencoj iniciatis, dum facileca
etoso pro malstreĉiga periodo, la traktaton de la
27a de januaro 1967 - subskribeblan de ĉiuj ŝtatoj
- pri la regantaj principoj por la ŝtata agado en la
kampo de la esploro kaj de la utiligo de la
eksteratmosfera spaco, inkluzive de la luno kaj de la
aliaj ĉielaj korpoj.
La artikolo vortigas : " La esploro kaj la utiligo de
la eksteratmosfera spaco, inkluzive de la luno kaj de la
aliaj ĉielaj korpoj, estu por la bono kaj la
intereso de ĉiuj landoj .. ; Ili estas la apanaĝo
de la tuta homaro
Pri la amplekso de tiu principo, la sovetia kaj usona
delegacioj al la UN-aj fakoj, kiuj de multaj jaroj provas
ellabori statuson pri dissendaj kaj telekomunikaj
satelitoj, ne sukcesis akordiĝi.
La lasta UN asembleo konfirmis la preparon de la dua
UN konferenco kiu kunsidos en Vieno de la 8a ĝis la
21a de aŭgusto 1982.
Jen kaptinda okazo por peti de la spacialaj potencoj,
ke ili konkludu forman protokolon - harmonie kun la
proklamitaj principoj, kiu formetos la nedefinitecon,
minacantan al la paco, de nepreciza redaktaĵo pri la
traktato de 1967.
Volonta tutmondista ĵurnalisto