Nuntempe kiu monda instanco estas kapabla
preni sur sin la depostulojn de la pola popolo ?
Certe ne tia estas Unuiĝinta Naciaro, senpova
apudmeto de naciŝtatoj, kiuj pli emas defendi siajn
naciajn interesojn ol tiujn de la monda popolo.
Tiel la pola, afgana, salvadora, ĉilia, Kongreso
de la Popoloj ... popoloj havas nenian rimedon krom
individua rezistado, perforta aŭ ne dum ili riskas
ekstermadon.
La Mondcivitanoj estas konvinkitaj, ke ideologiaj
motivoj aŭ naciismaj interesoj, konsiderataj kiel
superaj en kiu ajn reĝimo, estas tro ofte preteksto
subpremi la homajn rajtojn.
Tial ili rekomendas mondan organizon bazitan sur
federalismaj principoj, kaj ili forpuŝas la
dispartigon de la landoj laŭ priinfluaj areoj
rezervitaj al ĉiu el la du blokoj.
Ili malaprobas la submeton de iu popolo fare de fremda
registaro.
Ili malakceptas la principon de ne-enmiksiĝo,
kiam temas reestabli la rajtojn de la popoloj.
Ili asertas, ke la solvo de tiaj problemoj, kiuj
pridecidas la homaran destinon, ekvidiĝos, kiam ĉiu
naciŝtato konsentos rezignon de parto de sia
suvereneco favore al monda institucio.
