La 3an de marto 1966 aperis, en la ĵurnalo
" le Monde ", alvoko lanĉita de dek tri mondfamuloj,
inter tiuj la ĵus forpasinta Alfred KASTLER. Tiu
alvoko konstatis :
" Manke de supernacia leĝo, la ŝtatoj
estas devigataj nur kalkuli sian forton por defendi siajn
interesojn, sekve okazas milito ... " Kaj ĝi
petis, ke ĉiu sin registru kiel Mondcivitanon, por
elekti, sur transnacia bazo, delegitojn ŝarĝitajn
ellabori la leĝon de paca kaj civilizita mondo.
De tiam, li daŭre estas komprenata de miloj da
personoj tra la mondo.
Kiam li ricevis la Nobelpremion pri Fiziko, Profesoro
Alfred KASTLER enmanigis al la Mondcivitanoj jenan
deklaron, ĉiam aktualan :
" Sin deklari Mondcivitano, al mi ŝajnas
nuntempe necesa sinteno de tia mondo kun perterpasitaj
strukturoj.
Mi vidis la dramon de la enloĝantoj de la markia
landlimo de Elzaco, disŝiritaj de du naciismoj, tiel
mi komprenis la absurdecon ĉiamigi kverelojn
instigantajn militojn.
Franca civitano, mi opinias, ke mia hejmlando devas
helpi per ĉiuj siaj disponeblaj rimedoj, la landojn
malpli evoluintajn, kaj estigi plenfidan etoson, kiu
ebligos haltigi la armadkuradon ekfunciigitan de la
grandaj potenclandoj.
Scienculo, mi scias, ke la solvon de la problemoj
metitaj al ni rezultigas la kunlaboro de scienculoj el
diversaj landoj. Mi opinias, ke same estas sur la
ekonomia kaj teknika kampo.
Dum epoko, kiam la elkernigo de la nuklea energio
disponigas al la homoj nekonjektitajn detruajn povojn,
sed ankaŭ konstruajn, kiam ekas la vasta
interplaneda homara aventuro, mi opinias, ke la homa
komunumo donu al si instituciojn je la tergloba skalo,
cele limigi la epokon de militoj kaj malsato, estigitaj
de egoismo kaj malamo.
Homo, mi sentas min solidara kun ĉiuj homoj, kaj
opinias, ke ili unuiĝu por krei, preter al la rasaj
malsimilecoj kaj al la ideologiaj opozicioj, la Homan
Civiton, kiun niaj aspiroj alvokas.
Alfred Kastler
Nobel Premiito pri fiziko.
