De 1969a periode okazas transnaciaj balotadoj,
por konsistigi Kongreson de la Popoloj. Ĉi foje,
tiel same kiel en la antaŭaj balotadoj, krom la
Mondcivitanoj partoprenis loĝantoj de tutmondiĝintaj
urboj en Francio kaj Japanio, membroj de Homamaj Asocioj
(Internacia Civila Servo, Pacista Unuiĝo,
Lernejo-Pacilo, Mondfederaciistoj, Libera Penso, Oomoto).
Post tiu 7a balotado sumiĝas proksimume 70.000
homoj de la tuta mondo loĝantaj dise tra 110 landoj,
kiuj jam elektis dek kvar delegitojn kaj saman nombron da
anstataŭontoj.
Tiuj balotadoj okazas perpoŝte, kaj laŭ la
samaj kriterioj kiel en demokrataj landoj.
Ĉe tiu 7a balotado estis elektitaj :
La delegitoj :
- Tsuruji KOTANI, profesoro pri internacia juro en
Hiroŝimo kaj en Instituto de Tutmondismaj
Studoj
- Muriel SARAGOUSSI, Brazila agronomia inĝeniero.
La anstataŭontoj :
- M. K. BANERJI diplomita pri sciencoj kaj beletro,
respondeculo en Kalkuto pri la Mondaj
Federaciistoj,
- Lucien HARMEGNIES, diplomita pri politikaj
sciencoj, profesoro ĉe Instituto de Tutmondismaj
Studoj, taskita per internaciaj rilatoj ĉe la
belga urbo Charleroi.
Kio estas la
Kongreso de la Popoloj ?
La Kongreso de la Popoloj estas stadio al Tutmonda
Asembleo demokrate elektita. En demokrata socia organizo
ni elektas je diversaj areoj :
- je la distrikta areo por la distriktaj
problemoj,
- je la nacia areo por la naciaj problemoj
- je eŭropa areo por la eŭropaj
problemoj.
Sed por solvi la mondajn problemojn (malsato, krudaj
materialoj, malarmado, poluado, ktp ;..) ni ne estas
reprezentataj sur la monda areo.
Tiun neglekton, ja la tutmondistoj deziras formeti,
provante mem organizi transnaciajn balotadojn. Tio estas
" laboratoria laboro " efektivigita tra la mondo per
minimumaj financaj rimedoj. Tamen tiu faro de la Kongreso
de la Popoloj pruvas la eblecon okazigi demokratan
balotadon je planeda nivelo.
Pri la taskoj de Kongreso de la Popoloj legu
en tiu ĉi paĝo.
