La plej netolerebla klasigo inter la homoj estas
tiu fondita sur ilia kapablo sin nutri ; ĉar la
rajto sin nutri kondiĉas la alireblecon al ĉiuj
aliaj rajtoj pri libereco kaj evoluo de la individuoj kaj
socioj.
Je la paroksismo de la "malvarma milito", dum la
kvindekaj jaroj, la MONDCIVITANOJ, kun Josue de CASTRO,
Lord Boyd ORR, pastro PIERRE, René DUMONT, Michel
CEPEDE, Robert BURON... estis la unuaj, kiuj perceptis
kaj rivelis la tutmondan skandalon de la malegaleco antaŭ
la nutrado. Iliaj analizoj plej pioniris en la difino de
la kaŭzoj, kaj konsekvence la MONDCIVITANOJ plej
pioniris per la rimedoj proponitaj, kreante MONDAN
FONDUSON DE SOLIDARECO KONTRAŬ LA MALSATO.
Tiu MONDA FONDUSO intencas, pere de sia praktiko de
instigado al disvolviĝado, ne nur arigi la favorajn
kondiĉojn por la plibonigo de la lokaj situacioj
(t.e. per evoluprojektoj), sed ankaŭ institucii
principon de federacia demokratio sur monda skalo.
Kongruante kun la mondcivitana analizo : laŭ kiu
la anakronisma divido de la planedo en absolute
suverenecaj ŝtatoj fortigas senbridan konkuradon,
ekfloron de imperiismaj aŭ totalismaj ideologioj,
forprenon far la minoritato de la teraj riĉofontoj,
forigon de la homaj rajtoj, vetarmadon kaj difektadon de
la biosfero.
MONDA FONDUSO komencas, kiel kontraŭecon,
praktikon de solidareco sendependan de la ŝtatoj kaj
ĉiaj premgrupoj.
Fronte al la transnaciaj ekonomiaj potencoj, ĝi
ambicias esti kapabla iutage impulsi la transnacian volon
de la popoloj libere elekti mem, sian propran modelon de
disvolviĝo.
Sur la institucia kampo, la konsistigo de geografiaj
unuaĵoj homogenaj laŭ ekologia, soci-ekonomia
kaj kultura aspektoj, demokratie direktitaj kaj
federaciitaj en MONDA FONDUSO, ebligos antaŭgardante
la identecon de la popoloj, ke baziĝu racia
ekspluatado de la riĉofontoj (memcentritaj disvolviĝoj,
endogenaj ekonomioj).
Sur la persona kampo, la praktiko de MONDA FONDUSO
estos aparte eduka : ĉiu profitanto de projekto, se ĝi
aliĝis, uzos sian individuan suverenecon interne de
MONDA FONDUSO, kiu estas ĝia posedo komuna kun la
aliaj membroj. La malagasa fiŝisto scios, ke la
brazila kamparano kaj la tajlanda metiisto helpis lin
plibonigi siajn vivkondiĉojn kaj reciproke.
Tiel, iom post iom kreiĝos la konscio pluvivi sur
sama planedo, kies fruktoj estu distribuataj justece.
Vere estas tiu konscioŝanĝo, kiun bezonas la
homaro por aliri la stadion de harmonia disvolviĝo
jam ebla per la nun posedataj teknikaj rimedoj.
Tiel resumiĝas la esenca originaleco de MONDA
FONDUSO : strebi al tio, ke la homoj sin ŝarĝu
tiel per sia memvivtenado, kiel per sia majstreco en la
elektokapablo.
