" Niet " respondis Ĉernenko
al Mitterand, kiam tiu lasta demandis lin pri la situacio
de Sakharov. Tiu " ne " estis difinanta la
principon de ne-enmiksiĝo en la ŝtatajn
aferojn. Kion faris Pinochet aŭ Sekou-Toure ? Kion
faris iuj " demokrataj " landoj : Francio dum la Alĝeria
milito, aŭ Germanujo je la tempo de la "
arbeitverbot " (malpermeso " normale " labori), kaj multe
da aliaj landoj ? La saman respondon.
Ĉu tio ne estas la pruvo, ke la baro estigita de
la nacia absoluta suvereneco, sur kiu ĉiu ŝtato
sin bazas, malebligas eksteran intervenon, kiu permesus
kontroli la respekton de la homaj rajtoj ?
La familio Sakharov - ĉar ĝi hodiaŭ
estas la tipa kazo, ve ne la sola) ekzamenas apelacion al
UN. Kiun intevenon kapablos efektivigi UN ? Ĉu
ekzemple ĝi povos viziti Sakharov ? Certe ne. Kiun
povon kapablas UN. Neniun.
Do, al kiu organismo sin turni ? Al neniu, ĉar
tiu ne ekzistas.
Pri tiu temo ni memorigu kelkajn deklarojn :
René CASSIN, Nobel-premiito, deklaris la
14an de decembro 1948 " ... por limigi la monstrajn
trouzadojn de la nacia absoluta suvereneco, la ŝtatoj
ankoraŭ ne forpuŝis sian abomenon kontraŭ
interveno de la internacia komunumo en liajn hejmajn
aferojn.
Gaston THORN, tiama registara prezidanto de
Luksemburgio, skribis en ĵurnalo " Le Monde ", la
10an de decembro 1976 : " La fina celo de la
entreprenenda agado estas la agnosko kaj la preotekto,
sur la internacia skalo de la individua jura aŭtonomio.
Ĝia realigo ĝis nun ĉiam haltis antaŭ
la malfacilo akordigi la principon de la nacia suvereneco
kun la idealoj esprimitaj en la Universala Deklaracio de
Homaj Rajtoj. La solvo de tiu delikata problemo okazos
nur per la transdono libere konsentita kaj laŭ
difinitaj kondiĉoj, de parto de la suvereneco, ĝis
nun ekskluzive naciŝtata al internacia aŭtoritato.
"
Kurt WALDHEIM, tiama UN - sekretario, la 12an
de septembro 1977 ankaŭ akuzis la artikolon 2an,
paragrafo 7a, de la Ĉarto de UN, kiu kondiĉas :
" Nenio en ĉi tiu ĉarto rajtigas UN interveni
en aferojn, kiuj esence apartenas al la interna
jurisdikcio de kiu ajn ŝtato "
Do kiel eblus interveni internen de ŝtato, se ĝi
malpermesas ian erozion de sia nacia suvereneco, kiu
ebligus al supernacia monda institucio surloke konstati
la respekton aŭ la nerespekton de la homaj rajtoj
?
