En 1955 cent sep britaj deputitoj kaj lordoj el
la parlamenta tutmondista grupo, laŭ la instigo de
Henry USBORNE kaj Patrick ARMSTRONG proponis la projekton
NEPTUNO, kiu sugestas juran protektadon de la
eksterteritoriaj maroj kaj oceanoj fare de Unuiĝinta
Naciaro
Tiun projekton prezentitan en 1956 al " Foreign Office
" (brita ministerio pri eksterlandaj aferoj) kaj al la
prezidanto de la franca kabineto oni ne priatentis, eble
pro la " realisma sinteno ", kiu karakterizas la
politikajn regantojn.
De tiu dato la nigraj tajdoj multobliĝis,
pligraviĝis. La mara kaj oceana poluado danĝere
kreskas. La cisternŝipoj kun kompleza flago,
modernaj negristaj ŝipoj, daŭrigas siajn damaĝegojn.
La landlimoj prigrandiĝas, pro la unuflanka decido
de ĉiu ŝtato malproksimigi je 200 mejloj la
limon de siaj teritoriaj akvoj.
La naciŝtatoj por protekti tiujn novajn
landlimojn, kreskigas siajn batalŝiparojn. La fiŝkaptadaj
kargoj malkreskas fronte al kreskanta popolkvanto.
Hodiaŭ suferas Bretonio, Meksikio, Maŭritanio.
Morgaŭ tion elportos Britio, Nerderlando aŭ
Italio.
Ĉu la solvo de tiu problemo, pri la oceana
politiko, troveblas je la naciŝtata ŝtupo ?
Ĉu ne urĝas atenti la sugestojn de la brita
tutmondista parlamenta grupo :
Tutmonda leĝo por tutmonda problemo ?
Iu naciŝtato sola evidente ne kapablas solvi la
problemon de la nigraj tajdoj.
En 1973 la elektitaj Delegitoj al la Kongreso de la
Popoloj kaj inter ili Josue de CASTRO, deklaris :
" ke la monda oceano, komuna havaĵo de la homaro,
estu protektata de la nereteniĝema rabemo de la naciŝtatoj,
"
kaj postulis :
" la estigon de faka tutmonda institucio, kun povos
limigitaj sed efektiva, kiu kapablos trudi al la naciŝtatoj
la regularon nepre necesan al la pluvivo de la monda
oceano kaj al ĝia ekspluatado favore à la
tuta homaro.
Tiu peto aspektas ĉiutage pli preme, sed kiom da
maraj kastastrofoj necesos por ke la naciaj registoj
konsentu delegi parton de sia povo al monda institucio
?
Hodiaŭ nur la absoluta nacia suvereneco eliras
gajnanta el tiuj perturboj, kaj la viktimoj de la nigraj
tajdoj estas la viktimoj de la egoismo de ĉiu naciŝtato.
Volonta tutmondista
jxurnalisto