En septembro 1981, ĉe UNESKO, Francio
invitis la " Malpli Evoluintajn Landojn " (MEL) por prove
trovi solvon de ilia mizerego.
Prie, ŝajnas al ni oportune rememorigi proponon,
kiu koncernas la monaferojn. Internacia Mona Fonduso
emisias unuojn de Specialaj Trat-Rajtoj (S.T.R.)
ordigitajn laŭ tri serioj atribuitaj al la membraj
landoj proporcie je ilia kvoto, tiel ke la evoluantaj
landoj, kies kvotoj estas malgrandaj, ricevas nur tre
malvastan parton.
La aljuĝado de la STR al evoluigo estas deziro
ofte esprimita de la Triamondaj landoj, sed ĉiam
forpuŝita de la industriiĝintaj landoj, kontraŭstaras
al supernacia politika povo, kiu estus investita al la
institucio ŝarĝita pri la dispartigo.
Propono, kiu preterpasas tiun obstaklon, aperis en
septembro 1979 en " Forumo de Evoluigo ", internacia
publikaĵo de Unuiĝinta Naciaro. Franca
ekonomikisto, ĵus forpasinta, Charles Warin,
lerninto en Politeknika Lernejo, sugestis aljuĝi la
STR emisiitajn de Internacia Mona Fonduso al Monda Banko,
por ke tiu ĉi uzu ilin por financi la malŝarĝon
de rento, pri kiu profitus longperiodaj pruntedonoj por
kampara evoluigo.
Tiuj pruntedonoj financus multe da parcelaj laboraĵoj
je la vilaĝa aŭ urbeta skalo : laboroj, kiuj
estus faritaj laŭ peto de la dizirantoj kaj uzante ĉefe
lokajn manlaboron kaj rimedojn : fosi putojn, konstrui
lernejojn, akuŝejojn, silojn, riparejojn, ktp..
Surloke, taĉmentitaj agentoj de la Monda Banko
kontrolus la kostojn kaj la antaŭeniĝon de la
laboraĵjoj, tiele Mona Banko spezus la
pruntedonatajn monsumojn laŭ mezure kiel ĉiu
laborplano estus finita kaj kostus, do tiel laŭ la
memhelpa kapablo de la preninta lando.
Volonta tutmondista ĵurnalisto