Post la Falklandaj insuloj, jen Libano ..
Jen streĉejoj, kie la absoluta nacia suvereneco
estigas teritoriajn depostulojn, multiĝas por la
malfeliĉego de la loĝantoj apud tiuj konfliktaj
landlimoj. Tiuj depostuloj rezultas el la imperiismo de ĉiu
naciŝtato. Imperiismo estas entenata en la nocio mem
de naciŝtatismo.
Ni vidu kelkajn el tiuj streĉejoj.
- Iuj estas nunaj : Falklandaj insuloj, Ĝibraltaro,
insuletoj ĉe kanalo de Beagle, kaj tiuj de Rio de
la Plata
- Iuj eble ree iĝos : tielaj estas Makao kaj
Honkongo
- Aliaj estas forgesitaj : la Angla-normandaj
insuloj kaj Llivia.
- Iuj mem iĝis naciŝtatoj, tamen
depostulataj, tielaj Formozo, Kipro kaj Gujano
- Iuj estas tro malfortaj por sekurigi siajn
sendependecon, tiel Belizo kaj Sikimo
- Fine iuj ŝajne pluvivas nur perforte, tiel
estas Israelo, Libano kaj Palestinio
Tamen ĉu ĉiuj loĝantoj ĉe tiuj
streĉejoj ne havas saman deziron : en paco sekure
vivi.
Sed kiel starigi tiun pacon kaj sekurecon fronte al la
naciŝtatoj ?
François Mitterrand freŝdate, por pacigi
Bejruton, proponis solvon proksiman al la tutmondistaj
tezoj : intervenon de Unuiĝinta Naciaro.
Por pristudi kaj realigi tiajn proponojn, ĉe ne
estas tempo krei internacian komisionoj de juristoj
taskitaj agnoski veran internacian juron, eĉ
planedan, kies efikecon certigu Monda Institucio por
Sekureco, liberigita el ĉiuj naciŝtataj premoj,
kaj kun rimedoj kaj forto por respektigi tiun rajton je
paco.
La loĝantoj de planedaj streĉejoj tiel havus
eblon apelacii al monda institucio por solvi siajn
kontestojn.
En AMIP n-ro 29 pri la
Falklandaj insuloj ni ĵus konstatis, ke tiele la
homaro, iom post iom, sin direktos al monda federacio,
konsistonta el regionaj aŭ lokaj federacioj.
Ĉu estas aliaj rimedoj pro protekti la
minoritatojn fronte al la posedemo de la naciŝtatoj
?
Parlamentanoj por
Monda Ordo
Komence de junio 1982, ĉe UN en salono de EKOSOK
(ekonomika socia konsilio) la kanada deputito Douglas
ROCHE prezidis kunsidon de la Asocio de Parlamentanoj por
Monda Ordo, kiu arigas 550 parlamentanojn el 22 landoj.
En lanĉita mocio, la kunsidintoj proponas malarmadan
kontrolon kun surlokaj inspektadoj.
