La 29an de novembro 1982, 88 ministroj por
Komercado sukcesis maski siajn discelojn por finfermi la
kunvenon de Ĝ.K.D.K.
Tiu kunsido kunvokiĝis laŭ peto de Usono,
kiu riproĉas neakceptindajn rimedojn por plikvantigi
la eksportadon far kelkaj landoj, inter kiuj la Eŭropaj
landoj de E.E.K. (Eŭropa Ekonomia Komunumo) per,
ekzemple, subvencioj por agrikulturaĵoj.
Tiu konfronto ne estis sukcesinda, ĉar ĝi ne
klopodis trovi rimedon kontraŭ la veraj motivoj,
kiuj malvastigas la interŝanĝajn kvantojn.
El tiuj motivoj, citindaj estas :
- La akcelado de la teknikaj progresoj en la
industria kaj agrikultura produktadoj, kiu naskis
plian produktivon kaj, almenaŭ momente,
senlaborecon.
- La kvazaŭ saturado en la riĉaj landoj de
la konsumvaroj, kiel aŭtoj aŭ
hejmaparatoj
- La rapida substituo de novaj materialoj al la antaŭaj,
ekzemple, plasto kaj aluminio anstataŭ fero, el
tio okazis malvastigo de malnovaj industrioj, kiel
siderurgio.
- La nova atribuo de la industriaj laborpostenoj :
kelkaj landoj dungas subpagitajn laborulojn, por
konkurence venki aliajn produkantajn landojn
- La nesufiĉo en iuj landoj de profesia
klerigo, de laboristara movebleco kaj adaptiĝo
- La preskaŭ absoluta neekzisto de internacia
mona sistemo, la fluktuaj valutoj, la nacia valuto
dolaro iĝinte preskaŭ sola rezermono
rezultigas necertecon kaj komplikaĵojn en la
internacia komerco
- La egoisma kaj kurtvida politiko de la provizitaj
landoj fronte al la evolulandoj, al ili rifuzante
stabilajn kaj enspezigajn prezojn ; tiel malpermesante
al tiuj landoj kreskigi siajn aĉetmerkatajn por
la produktaĵoj de la industriaj landoj
- La enormaj armilaj kaj superarmadaj elspezoj,
socie absolute senutilaj
- La malkonsento studi la mondajn ekonomikajn
problemojn metitajn de la supermezura produktado de la
robot-uzinoj
Anstataŭ kontingentigi kaj reciproke sin akuzi
pri protektismo, la naciŝtatoj pli bone provu
planedskale akordiĝi, por ĉesigi la verajn
kialojn de la ekonomia krizo, kiu estas mondskala. Ĉu
ne necesas por sukcesi, trudi supernacian regulon al ĉiuj
ŝtatoj ?
|
