Por certigi
rapidan kaj efikan agadon de Unuiĝinta Naciaro, ĝiaj
membroj transdonas al la Konsilio de Sekureco la ĉefan
respondecon pri la konservado de la internaciaj paco
kaj sekureco, kaj ili konsentas, ke plenumante siajn
devojn laŭ tiu respondeco la Konsilio de Sekureco
agas en ilia nomo ".
Je la momento, kiam malfermiĝas nova Ĝenerala
Asembleo de Unuiĝinta Naciaro en Novjorko, konvenas
memorigi la supre cititan artikolon 24an de la Ĉarto.
Franclingva vortaro ligas la nociojn " respondeco "
kaj " suvereneco " : konsekvence, la artikolo 24a kontraŭas
la artikolon 24an paragrafon 7an, kiu malpermesas, ke
U.N. intervenu en " la aferojn, kiuj esence apartenas al
la interna jurisdickio de kiu ajn ŝtato.
Ĉu tiu " kontraŭaĵo " estas neglektaĵo
? Aŭ ĉu ĝi estas decidita de la
redaktantoj en la intenco ne forpuŝi la " absolutan
nacian suverenecon ", tiel allogante la suverenecajn ŝtatojn,
kaj samtempe atentigante la naciojn, ke ili studu la
problemon pri suvereneco se ili deziras estigi la
Pacon.
Se U.N. respondecus, ĝi devus disponi vera
suverenecon. Tial, ĉiuj ŝtatoj, ĉefe la "
kvin superaj potencoj " devas rezigni pri parto de sia
absoluta suvereneco.
Oni prave sin demandas, ĉu tiu artikolo 24a ne
inspiris kelkajn redaktantojn de naciaj konstituciojn
ekz. André Philip, kiu verkis, en la franca
konstitucio, tiun frazon :
" sub rezervo de reciprokeco, Francio konsentas pri
limigo de suvereneco necesa por organizado kaj defendado
de la Paco ".
Laŭpete de alia franca juristo, René
Cassin Nobelpremiito, De Gaulle konservis tiun frazon en
la antaŭparolo de la franca konstitucio.
Similaĵojn oni trovas en la itala konstitucio,
(art. 11a), kaj en la germana (art. 24a, 25a, 26a.
Eĉ se ties terminoj ne tiel precizas, aliaj
konstitucioj redaktigas samdirekte : Japanio (art. 9a kaj
98a), Hindio (art. 51a parag. " D "), Kostariko (art.
12), Belgio (art. 25a), Hispanio (art. 93a), Luksemburgio
(art. 49a), Danlando (art. 20a), al kiuj eblas aldoni
dudekon da konstitucioj, kiuj entenas " konvenajn " klaŭzojn.
U Thant, tiama Ĝenerala Sekretario de UN.N.
asertis : " Necesas ŝanĝi la preterpasitajn kaj
ne plu aplikeblajn konceptojn pri nacia suvereneco
senlima ".
Gvidate de tiu konstato, ĉu la juristoj en ĉiuj
landoj, ne povas inkludigi en siajn proprajn
konstituciojn, iun klaŭzon jam sugestitan de la
svisaj juristoj direkte al sia propra lando : " La Svisa
Konfederacio konsentas, laŭmezure kiel necese por
estigo de justa paco inter la ŝtatoj, restrikti sian
suverenecon, sub rezervo de reciprokeco ".
Poste, kunsido de respondeculoj, el la 163 ŝtatoj
povos enkonduki la kondiĉojn pri reciprokeco, por
komenci procezon, kiu finfine donas, al la Homaro mondan
leĝon por sekurigi ĝian pluvivon.
