-Ĉe tiu perturbita
jarfino pro tajdo de atencoj, militistaj intervenoj,
lokaj militoj, etnaj alfrontoj en ĉiuj mondpartoj,
ni opinias sanige, reeldoni la ĉefartikolon de la
Direktoro de la Mondcivitana Registrolibro, Roger
WELLHOFF.
NETOLEREMO
Vivigi kune popolojn aŭ etnajn grupojn, kiuj
havas malsamajn tradiciojn, kutimojn, idealojn, estas unu
el la krucaj problemoj almetitaj el la nuntempaj
politikistoj.
Ĉu temas ekzemple, landskale pri Libano aŭ Ĉadio,
aŭ planedskale pri Usono kaj Sovetio, estas
malfacilege havebligi la toleremon reciprokan, la
respekton al la momenta kontraŭulo, ankaŭ la
reciprokan konfidon, kiuj kapablus redoni la pacon post
malvarma aŭ varma milito.
Fronte al perforto, la natura bezono grupiĝi
devigas la grupanojn konsideri sian grupon, ĉu
etnan, partiecan aŭ nacian, kaj ĝin sole, kiel
absolutaĵon meritantan ĉiujn sinoferojn.
La defendo de ĉiuj absolutismoj daŭrigas la
perforton.
La Tutmondistoj asertas, ke eblus la ekzisto de
rimedoj, eĉ se malfacilaj, kiuj ebligus pacan
kunvivadon, jen etskale, jen mondskale.
Tiuj rimedoj estus respekto al la diferencoj, ĉefe
al la minoritataj rajtoj, ankaŭ la grupigo, laŭ
federalaj principoj, por fine alveni al demokrataj mondaj
institucioj, federalaj kaj supernaciaj ĉar naciismo
estas la ĉefa kialo de milito.
